राष्ट्रिय जनगणना २०७८ को तथ्याङ्कमा आधारित भई तयार गरिएको
विशेष प्रतिवेदन हो । तथ्याङ्कीय प्रतिवेदन भए तापनि यसमा प्रस्तुत तथ्याङ्कलाई आम प्रयोगकर्ताले सहजै बोध
गर्न सक्ने गरी सरल भाषामा विश्लेषण, अर्थापन र मूलभूत प्रवृत्तिहरूको सङ्केत गरिएको छ । यस प्रतिवेदनले
दलित जनसङ्ख्यासँग सम्बन्धित लक्षित नीति तथा कार्यक्रम तर्जुमा र कार्यान्वयन गर्न सहज हुने अपेक्षा
राखिएको छ । प्रतिवेदनमा प्रस्तुत विश्लेषणका आधारमा प्राप्त प्रमुख प्राप्ति र निचोडलाई यहाँ बुँदागत रूपमा
प्रस्तुत गरिएको छ ।
